வி.அமலன் ஸ்டேன்லி
தமிழின் குறிப்பிடத்தக்க கவிஞர், நாவலாசிரியர் வி.அமலன் ஸ்டேன்லி. உயிரித்தொழில்நுட்பத்தில் உயர் அறிவியலறிஞராக பணியாற்றுபவர்.
2005-ல் கோயங்கா தியானப் பயிற்சியோடு பௌத்த ஆய்வுப்பயணத்தை தொடங்கிய வி.அமலன் ஸ்டேன்லி போதி ஜென்டோவில் ஜென் பயிற்சி பெற்றார். 2008-ல் ஜென் துறவி திக் நாட் ஹஞ் அவர்களிடம் நேரடிப் பயிற்சியை வியட்நாமில் பெற்றுக் கொண்டார்.2010-ல் மூன்று வருடங்கள் ஆஸ்திரேலியாவிலிருந்து பாட்ரிக் கீர்னி எனும் விபசனா ஆசிரியரை கொடைக்கானலில் உள்ள போதி ஜென்டோ மையத்திற்குத் தொடர்ந்து அழைத்து வந்து கற்றுக்கொண்டார். அவரிடம் தொடர்ந்து தவ முகாம் நடத்தவும் கற்றுக்கொண்டார். 2013-ல் சோகிஈமா ரின்போசே மூலம் திபெத்திய மகாமுத்ரா, ட்சோக்சென் பயிற்சி பெற்றார்.
இரண்டரை ஆண்டு அகவிழிப்புத் தியானப்பயிற்சி ஆசிரியராக The Awareness Training Institute and the Greater Good Science Center at the University of California மையத்தால் பயிற்சியும் சான்றும் (MMTCP) பெற்றுக் கொண்டார்
யோகமரபின் தொடக்கம் எது என நமக்குத் தெரியாது. சாங்கிய தரிசனத்தின் ஒரு கிளையாக அது பதஞ்சலியால் வரையறை செய்யப்பட்டது. பின்னர் சமண மதத்தில் வளர்ச்சி அடைந்தது. அதை முழுவிரிவை அடையச்செய்தவர்கள் பௌத்தர்கள். பௌத்த யோகாசார மரபே தியானம் என்பதற்கான இன்றைய அர்த்ததை உருவாக்கியது. அசங்கர், வசுபந்து, திக்நாகர், நாகார்ஜுனர், தர்மகீர்த்தி, தர்மசேனர், தர்மபாலர் என அதன் ஆசிரியர் மரபு மிக விரிவானது. போதிதர்மர் வழியாக சீனாவுக்குச் சென்று அங்கிருந்து ஜப்பான் சென்று ஜென் பௌத்தம் ஆகியது. பத்மசம்பவர் வழியாக திபெத் சென்று திபெத்திய பௌத்தமாக ஆகியது. திபெத்திய பௌத்தம் வஜ்ராயனம் எனப்படுகிறது.
பௌத்தம் வளர்த்தெடுத்த யோகாசார மரபு இந்தியாவில் பெரும்பாலும் மறைந்துவிட்டது, அதன் அடிப்படைகள் சில வேறுவகையில் நீடிக்கின்றன. பௌத்த தியான – மெய்யியல் மரபை அது இங்கிருந்து சென்று வளர்ந்து பேருருவம் கொண்டிருக்கும் திபெத், ஜப்பான், தாய்லாந்து பௌத்த மரபுகளிடமிருந்தே நாம் கற்கமுடிகிறது. இப்பயிற்சி அதற்கான முயற்சி.
வி.அமலன் ஸ்டேன்லி இதுவரை உயர்தொழில்நுட்பம் சார்ந்து பணியாற்றுபவர்களுக்கு மட்டும் நடத்தப்பட்டு வந்த இந்த பயிற்சிகளை எங்கள் கோரிக்கைக்கு ஏற்ப நடத்த முன்வருகிறார்.
நாள் ஜூலை 5,6 மற்றும் 7 (வெள்ளி, சனி ,ஞாயிறு)
==============================================
எங்கள் தமிழ் வலைத்தளம் unifiedwisdom.guru
Our English Website unifiedwisdom.today
எங்கள் யூ டியூப் சேனல் முழுமையறிவு யூடியூப்
எங்கள் முகநூல் பக்கம் முழுமையறிவு முகநூல்
எங்கள் இன்ஸ்டா பக்கம் muzumaiaivu insta
அறிவிக்கப்பட்ட நிகழ்வுகள் – இடமிருப்பவை
ஆயுர்வேத அறிமுக வகுப்புகள்
சுனீல் கிருஷ்ணன் காரைக்குடியைச் சேர்ந்த ஆயுர்வேத மருத்துவர். புகழ்பெற்ற எழுத்தாளர். ஆயுர்வேத முறைகளை பொதுவாசகர்களுக்கு அறிமுகம் செய்து அவர் நடத்திய இரண்டு வகுப்புகள் பலருக்கும் மிக உதவியானவையாக இருந்தன.
ஆயுர்வேதம் ஏன் அறிமுகம் செய்துகொள்ளப்படவேண்டும்? நவீன மருத்துவம் நம் உடற்கூறு, நோய்கள், மருத்துவம் ஆகியவற்றை அறிமுகம் செய்கிறது. ஆனால் ஆயுர்வேதம்தான் நம் வாழ்க்கைமுறையை நாம் புரிந்துகொள்ள உதவுகிறது. நம் உணவுமுறை, நம் சூழல் ஆகியவை ஆயுர்வேதத்துக்குத்தான் அணுக்கமானவை. இவற்றைப் பற்றி நாம் ஏராளமான செவிவழிச்செய்திகளை அறிந்து பலவகையான பிழையான புரிதல்களைக் கொண்டிருப்போம். உண்மைநிலையை அறிய ஆயுர்வேதத்தின் அடிப்படைகளை அறியவேண்டும். எளிய முறையில் அதை கற்பிக்கும் நிகழ்வு இது.
சென்ற இரு வகுப்புகளில் பயின்றவர்கள் இவ்வகுப்புகள் பெரும் கற்றல் அனுபவமாகவும், கூடவே மகிழ்வான தருணமாகவும் அமைந்தன என்று கூறி எழுதியிருந்தார்கள். நம் உடல் செயல்படும் விதம், நம் சூழலுக்கு நம் உடல் எதிர்வினையாற்றும் விதம் ஆகியவற்றுடன் நம் உள்ளமும் உடலும் கொண்டுள்ள இசைவு ஆகியவற்றை ஆசிரியர் கற்பிப்பார்.
தியானம் அல்லது யோகம் பயிலும் ஒருவர் ஆயுர்வேத அறிவு இன்றி அக்கல்வியை முழுமைசெய்ய முடியாது
வரும் மே 31 ஜூன் 1, 2 தேதிகளில் இவ்வகுப்புகள் நிகழும்
ஆர்வமிருப்பவர்கள் எழுதலாம்.தொடர்புக்கு [email protected]
சைவசித்தாந்த வகுப்புகள்
இந்தியாவின் முதன்மையான நான்கு தத்துவசிந்தனைகள் பழைய தமிழ் மண்ணில் உருவானவை என்பது வரலாறு.
- திக்நாகர்,தர்மகீர்த்தி, தர்மபாலரின் விக்ஞானவாத பௌத்தம் (பல்லவநாடு. காஞ்சீபுரம். பொதுயுகம் 5-6 ஆம் நூற்றாண்டு)
- சங்கரரின் அத்வைதம் (சேரநாடு, காலடி பொயு 8-9 ஆம் நூற்றாண்டு)
- ராமானுஜரின் விசிஷ்டாத்வைதம் (பல்லவநாடு , ஸ்ரீபெரும்புதூர் பொயு 12 ஆம் நூற்றாண்டு)
- மெய்கண்டாரின் சைவசித்தாந்தம் (சோழநாடு, திருவெண்ணைநல்லூர் பொயு 13 ஆம் நூற்றாண்டு)
சிந்திக்கும் ஒரு தமிழருக்கு இவற்றைப் பற்றிய அடிப்படை அறிவில்லை எனில் அது இழிவே. இவற்றில் மிக இளையது சைவசித்தாந்தம். ஆகவே முந்தைய அனைத்தை விடவும் முழுமையானது என்பது சைவசித்தாந்திகளின் தரப்பு. இந்திய சிந்தனைகளில் தனக்கு முந்தைய அனைத்துடனும் உரையாடி, அனைத்து வினாக்களுக்கும் விடைகளை திரட்டி அது உருவானது என்கிறார்கள்.
பௌத்த விக்ஞானவாதம் (முழுதறிவுவாதம்)தான் அத்வைதம் (இரண்டின்மைவாதம்) ஆக வளர்ந்தது. அதனுடன் முரண்பட்டு ராமானுஜரின் விசிஷ்டாத்வைதம் (சிறப்பு இரண்டின்மைவாதம்) உருவானது. அவையனைத்தையும் இணைத்து முன்சென்று சைவசித்தாந்தம் (சைவக்கோட்பாடு) பிறந்தது.
தமிழ்ப்பண்பாட்டில் ஊறிய கொள்கை சைவசித்தாந்தம். அதன் மெய்ஞானத்தின் வேர்கள் திருமந்திரம் முதலிய நூல்களிலும், அதற்கு முன் சைவத்திருமுறைகளிலும் அதற்கும் முன்பு தமிழ்த் தொல்லிலக்கியங்களிலும் உள்ளன. தமிழுக்கே உரிய தொன்மங்களும் படிமங்களும் கொண்டது. சைவசித்தாந்தக் கல்வி என்பது வாழும் தமிழ்ப்பண்பாட்டின் ஆணிவேர் நோக்கிச் செல்லும் ஒரு பயணம்.
சைவத்திருமுறை வகுப்புகளை மரபின்மைந்தன் முத்தையா நடத்திவருவதைப்போல நவீன வாசகர்களுக்காக சைவசித்தாந்த தத்துவத்தை அறிமுகம் செய்ய ஆசிரியர் ஒருவரை தேடிக்கொண்டிருந்தோம். வகுப்பு நடத்த ஒப்புக்கொண்டுள்ள முனைவர் அ.வே.சாந்திகுமார சுவாமிகள் சைவ அறிஞர், தத்துவ ஆய்வாளர். சுந்தரமூர்த்தி சுவாமிகள், குமரகுருபரர் உள்ளிட்ட நூல்களின் ஆசிரியர்
நிகழ்வு ஜூன் 7, 8 மற்றும் 09 தேதிகளில் நிகழும் (வெள்ளி சனி ஞாயிறு)
ஆர்வமிருப்பவர்கள் எழுதலாம்.தொடர்புக்கு [email protected]
தத்துவம் நான்காம் வகுப்பு
இந்திய தத்துவம் நான்காம் வகுப்பு ஜூன் 14, 15, 16 ஆம் தேதிகளில் நிகழ்கிறது.
இடங்கள் நிறைவுற்றன
கிறிஸ்தவ மெய்யியல் அறிமுக வகுப்பு
சிறில் அலெக்ஸ் நடத்திய முந்தைய பைபிள் வகுப்பு பற்றி வந்த எதிர்வினைகள் மூன்று கோணங்களில் இருந்தன. பெரும்பாலும் இளைஞர்கள் மட்டுமே கலந்துகொண்ட நிகழ்வு அது. எதிர்வினைகளும் இளைஞர்களிடமிருந்தே
- பைபிள் வகுப்பு மிகமிக உணர்ச்சிகரமானதாக இருந்தது. பல இடங்கள் நெகிழ்வில் கண்ணீர் வருமளவுக்கு கவித்துவமும் ஆன்மிகமுமான எழுச்சி கொண்டிருந்தன. மதம் என்னும் சொல்லையே இன்னொரு கோணத்தில் பார்க்க முடிந்தது. நாம் வேறுமதத்தைச் சார்ந்தவர் என்றாலும் அந்த மதத்தை புதியதாக பார்க்க ஆரம்பிப்போம். தத்துவார்த்தமான புதிய கோணம் உருவாகியது.
- பைபிள் என்பது மத்திய ஆசியா மற்றும் ஐரோப்பாவின் ஒட்டுமொத்த பண்பாட்டு வரலாறும் அடங்கியது என்று புரிந்தது. பைபிளின் அடிப்படைத்தத்துவ அறிமுகமில்லாமல் ஐரோப்பிய சினிமாக்களைப் பார்ப்பது வீண். அவற்றை புரிந்துகொண்டோம் என நினைப்பது அசட்டுத்தனம். ஐரோப்பிய இசை,ஐரோப்பிய இலக்கியம் எல்லாவற்றையுமே பைபிள் வழியாகவே சரியாகப்புரிந்துகொள்ள முடியும்
- பைபிள் அறிமுகம் என்பது என் தொழிலுக்கு முக்கியமானது என்று தெரிந்தது. என் தொழிலில் என்னுடன் தொடர்புகொள்ளும் ஐரோப்பியர், அமெரிக்கர் பலர் கிறிஸ்தவர்கள். அவர்களின் மதக்கொள்கை என்ன என்றே தெரியாமல் இருப்பது என்னை முட்டாளாகக் காட்டிவிடும் என புரிந்தது. ஏனென்றால் என் மதம் பற்றி அவர்கள் கொஞ்சம் தெரிந்துகொண்டே வருகிறார்கள்.
முறைப்படி கிறிஸ்தவ இறையியல் பயின்றவரான நண்பர் சிறில் அலெக்ஸ் நவீன வாசகர்களுக்காக பைபிளின் ஆன்மிகத்தையும் அழகியலையும் வரலாற்றையும் கற்பிக்கிறார். இவ்வாறு பைபிள் அறிவார்ந்து மட்டுமே கற்பிக்கப்படும் இன்னொரு இடம் இல்லை.
ஆன்மிகமாக பைபிளைச் சென்றடைவது ஓர் ஆழ்ந்த பயணம். எந்த ஆன்மிகப்பயணிக்கும் இன்றியமையாதது. ஆனால் இது மதக்கல்வி அல்ல. இதனுடன் வழிபாடோ பிரார்த்தனையோ இணைக்கப்படுவதில்லை. ஒருவர் ஆன்மிகமான தன் பயணம் வழியாக பைபிளை அறிவதற்கான கல்வி மட்டுமே.அத்துடன் பிற மெய்யியல்களுடன் இணைத்து ஓர் ஒட்டுமொத்த அறிதலை, அகவிரிவை அடைவதற்கான பயிற்சியும்கூட
ஜூன்21 22 மற்றும் 23 ஆம் தேதிகளில் இவ்வகுப்புகள் நிகழும்
ஆர்வமிருப்பவர்கள் எழுதலாம்.தொடர்புக்கு [email protected]
வைணவ இலக்கிய அறிமுக முகாம்
நாலாயிரத் திவ்யபிரபந்தமே வைணவ தத்துவம் தோன்றிய விளைநிலம். அதை அறிவார்ந்து அணுகுவதும், அதன் தமிழ்ச்சுவையை அறிவதும் இன்றைய தமிழ்ப்பண்பாட்டை அறிவதற்கு மிக இன்றியமையாதது. அறியாதவர் தமிழறியாதோர் என்றே சொல்லிவிட முடியும். இதற்கு முன் நான்கு வகுப்புகள் வைணவ இலக்கிய அறிமுக முகாம் நிகழ்ந்துள்ளது. ஒவ்வொன்றும் மிகப்பெரிய அறிதலாகவும் உணர்வனுபவமாகவும் இருந்தது என்றே கடிதங்கள் வந்துகொண்டிருக்கின்றன.
நாள் ஜூன் 28, 29 மற்றும் 30 (வெள்ளி சனி ஞாயிறு)
வரவிருக்கும் நிகழ்வுகள்
(இப்போதே விண்ணப்பிக்கலாம்)
இஸ்லாமிய மெய்யியல் – இலக்கிய அறிமுகம்
நிஷா மன்ஸூர்
கவிஞர், இஸ்லாமிய ஆய்வாளர் நிஷா மன்ஸூர் நடத்தும் இவ்வகுப்பில் இஸ்லாம் மதத்தின் வரலாற்றுப்பின்னணி, அதன் மெய்யியல், அதன் உலகளாவிய சூஃபி மரபு, தமிழ் சூஃபி இலக்கியம் ஆகியவை பயிற்றுவிக்கப்படும்
ஜூலை 12 13 மற்றும் 14 (வெள்ளி மாலை முதல் ஞாயிறு மதியம் வரை)
அபுனைவு வாசிப்புப் பயிற்சி
ஜூலை 19 மற்றும் 20 தேதிகள். (வெள்ளி, சனி)
(இடங்கள் நிறைவுற்றன)
அடிப்படை யோகப்பயிற்சி முகாம்
யோக ஆசிரியர் சௌந்தர் நடத்தும் அடிப்படை யோகப்பயிற்சி முகாம். இது யோகத்தை அறிமுகம் செய்துகொள்பவர்களுக்கும், ஓரளவு தெரிந்து முறையாகச் செய்ய விரும்புபவர்களுக்கும் உரியது. சௌந்தர் சிவானந்த யோக மரபைச் சேர்ந்தவர். முறையான பயிற்சிபெற்றவர்கள். சத்யானந்த யோக மையம் என்னும் அமைப்பை நடத்தி வருகிறார். முற்றிலும் மரபான முறையில் யோகப்பயிற்சிகள் அளிக்கிறார்
இரு சாராருக்கு இந்தப்பயிற்சிகள் மிக உதவியானவை என நாங்கள் கண்டடைந்துள்ளமையால் இவற்றை முன்வைக்கிறோம்.
தொடர்ச்சியாக அமர்ந்திருக்கும் வாழ்க்கை காரணமாகவும், உள்ளறை வாழ்க்கையின் சலிப்பு காரணமாகவும் உடல் இறுக்கமடைந்து, பலவகையான உடல்வலிகள் மற்றும் துயில்நீக்கம் அடைந்து சிக்கலுக்குள்ளாகும் இளைய தலைமுறையினருக்கு இவை விடுதலையை அளிக்கின்றன.
முதுமையின் வழக்கமான உடல்நலிவை மிக ஓய்வான வாழ்க்கை மற்றும் உளச்சலிப்பு காரணமாக பலவகையான உடல்வலிகள், துயில்நீக்கம் போன்றவற்றை அடைந்தவர்கள்.
இவ்விரு சாராருக்கும் அவரவர் உடல்நிலையைக் கருத்தில் கொண்டு தனித்தனியான பயிற்சிகள் அளிக்கப்படுகின்றன. ஐம்பதுக்கும் குறைவான எண்ணிக்கையிலேயே ஒரு முகாமில் பங்கேற்பு அமையும். ஆகவே ஆசிரியருடன் நேரடித்தொடர்பு, உரையாடலுக்கு வழி அமையும். யோக ஆசிரியர் வாழ்க்கைமுறை அனைத்துக்கும் குரு என்னும் நிலையிலிருந்து வழிகாட்டவேண்டும் என்பது மரபு.
இப்பயிற்சிகள் இந்து மரபைச் சேர்ந்தவை என்றாலும் நாங்கள் இவற்றை மதம்கடந்தவையாகவே முன்வைக்கிறோம். இப்பயிற்சிகளுடன் எந்த மதநம்பிக்கையும், மதச்சடங்கும் கலந்துகொள்ளப்படுவதில்லை. எல்லா மதத்தவரும் நாத்திகர்களும் கலந்துகொள்ளலாம்
நாள் ஜூலை 26 27 மற்றும் 28 (வெள்ளி சனி ஞாயிறு)
தத்துவம் முதல் வகுப்பு
ஆகஸ்ட் 2,3 மற்றும் 4 (வெள்ளி, சனி, ஞாயிறு) அன்று அறிவிக்கப்பட்டிருந்த தத்துவம் முதல் வகுப்புக்கான இடங்கள் நிறைவுற்றன.
ஆலயப்பயிற்சி, இரண்டாம் நிலை
இது வரை நிகழ்ந்த ஆலயப்பயிற்சி முகாம்களில் கலந்துகொண்டவர்களுக்கான அடுத்த நிலை பயிற்சி இது. இதில் ஓர் ஆலயத்தில் மேற்கொண்டு கற்கவேண்டியவை, கவனிக்கவேண்டியவை எவை என ஆசிரியர் பயிற்றுவிப்பார்.
அத்துடன் இக்கல்வியை எப்படி நமக்கும் பிறருக்கும் பயனுள்ளதாக்குவது என்றும் கற்பிப்பார். ஓர் ஆலயத்தை எடுத்துக்கொண்டு முழுமையாக அதை ஆராய்ந்து, ஆவணப்படுத்தி எப்படி ஒரு சிறு நூலாக எழுதுவது என்பது ஆர்வமுள்ளவர்களுக்குக் கற்பிக்கப்படும்.
சிறு குழுவாக ஆகி இதை செய்வது செய்பவர்களுக்கும் ஆழ்ந்த கவனத்தையும், ஆலயக்கலை சார்ந்த பயிற்சியையும் அளிக்கும். நம் ஆலயங்ளைப் பதிவுசெய்யும் பெரும்பணியையும் தொடங்கியவர்கள் ஆவோம்
நாள் ஆகஸ்ட் 16 17 மற்றும் 18 (வெள்ளி, சனி, ஞாயிறு)
ஜெர்மானிய தத்துவ அறிமுகம்
ஜெர்மானிய தத்துவம் கான்ட் முதல் ஹைடெக்கர் வரை. ஓர் அறிமுகம்.
நடத்துபவர் அஜிதன்.
ஆகஸ்ட் 23,24 மற்றும் 25 (வெள்ளி சனி ஞாயிறு)
=======================================================
Our other websites
Tamil unifiedwisdom.guru
You tube Channel Unified Wisdom You Tube
Face Book muzumaiarivu
Insta muzumaiaivu insta
=======================================================
எங்கள் இணையப்பக்கம்
முழுமையறிவு
