தாவரங்கள் ,சூழியல்- நேரடி வனஅறிமுகம்
சென்ற ஆண்டில் இரண்டு முறை பறவைகள் பார்த்தல் நிகழ்வை நடத்தினோம். எங்கள் நோக்கம் இன்றைய வாசகர்கள் இயற்கையுடனான உறவை உருவாக்கிக்கொள்வதற்கான வழியை அமைத்தலாக இருந்தது. மெய்யியல் ஆர்வம், தியானப்பயிற்சி கொண்டவர்கள் இயற்கையுடன் உறவை உருவாக்கிக் கொள்ளவில்லை என்றால் அவர்களின் பயணம் நிறைவடைய முடியாது. அதற்குரிய சிறந்த வழி பறவை பார்த்தல்.
ஆனால் நடைமுறையில் அது பத்துவயது முதலான குழந்தைகளுக்கு கவனத்தைக் குவிப்பதற்கான பயிற்சிமுறையாக ஆகியது. ஏராளமான பெற்றோர் குழந்தைகளுடன் வந்திருந்தார்கள். செல்பேசியில் மூழ்கியிருக்கும் குழந்தைகள் ஒரு காட்டுச்சூழலில், பறவைகளுக்காக ஆழ்ந்த கவனம் கொண்டு காத்திருப்பதைக் கண்டனர். குழந்தைகள் இன்றைய ஊடகச் சூழலின் அலைக்கழிப்புகளில் இருந்து வெளிவருவதற்கான ஒரு சிறந்த வழியாக அது இருந்தது.
பறவைபார்த்தலுடன் இயல்பாக இணையவேண்டிய ஒன்று தாவரங்களைப் பற்றிய அறிதல். நம்மைச் சூழந்திருக்கும் செடிகள், மரங்கள், மலர்கள் பற்றிய ஓர் அடிப்படைப்புரிதல் நமக்கும் இயற்கைக்குமான ஆழ்ந்த உறவின் தொடக்கமாக ஆகும்தன்மை கொண்டது. ஒருமுறை அந்த திறப்பை அடைந்துவிட்டால் செல்லுமிடமெல்லாம் நாம் செடிகளை, மரங்களைப் பார்க்க ஆரம்பித்துவிடுவோம். அது ஒரு பெரிய அகவாழ்க்கை.
இது தாவரவியல் கல்வி அல்ல. நம் தோட்டத்துச் தாவரங்கள், நம்மைச்சூழ்ந்து ஊரிலுள்ள தாவரங்கள், காட்டுத்தாவரங்கள் என அடிப்படையான செடிகொடிகளின் பெயர்கள், இயல்புகள் பற்றிய ஓர் அறிமுகம் மட்டுமே. ஒரு பொதுவான அறிவியக்கவாதி, ஒரு மாணவர், ஒரு குடும்பத்தலைவி அறிந்திருக்கவேண்டிய செய்திகள். சிறிய கானுலாவுடன் இதை கற்பிக்கிறோம்.
முனைவர் லோகமாதேவி தாவரவியலில் முனைவர் பட்டம் பெற்றவர் , பேராசிரியர். உலகப்புகழ்பெற்ற தாவரவியல் இதழ்களில் எழுதிவருபவர். ஸாகே போன்ற முக்கியமான, மிகச்ச்வாரசியமான தாவரவியல் நூல்களை எழுதியவர். தாவரவியல் செய்திகளை இத்தனை ஈர்ப்புடன் எழுதமுடியுமா என வாசகர்களை எண்ணச்செய்தவர்.
வரும் பிப்ரவரி 14, 15 மற்றும் 16 (வெள்ளி சனி ஞாயிறு) கிழமைகளில் லோகமாதேவி நடத்தும் தாவரங்கள் அறிமுக வகுப்புகள் நிகழும். ஆர்வமுள்ளவர்கள் கலந்துகொள்ளலாம்.
இப்போதே பதிவுசெய்யலாம்
தொடர்புக்கு
உளக்குவிப்பு- தியானம் பயிற்சிகள்
இந்தக் காலகட்டத்தின் முதன்மையான சிக்கல்களான கவனக்குவிப்பின்மை, துயில்நீக்கம் ஆகியவற்றுக்கு வாழ்க்கைமுறை சார்ந்த தீர்வென யோகமும் தியானமும் உலகமெங்கும் முன்வைக்கப்படுகின்றன. தத்துவம், கலை ஆகியவற்றுக்கான அறிமுக வகுப்புகள் நடத்தத் தொடங்கியபோது கூடவே கவனக்குவிப்புக்கான வகுப்புகளின் தேவையை உணர்ந்தோம். இயல்பாக தொடங்கப்பட்ட அவ்வகுப்புகள் பலநூறு பேருக்குப் பயனுள்ளவையாக ஆகி இன்று முதன்மைநிகழ்வாக ஆகிவிட்டிருக்கின்றன.
யோகம் -தியானம் ஆகியவை உரிய ஆசிரியரின் வழிகாட்டலுடன் செய்யப்படவேண்டியவை. அவை எளிய பயிற்சிகள் அல்ல. அந்த ஆசிரியர் தொழில்நுட்பப் பயிற்சியாளரும் அல்ல. முழுமையான வாழ்க்கைவழிகாட்டியென்றும் அவர் அமையவேண்டும். அத்தகைய தகுதிகொண்டவர்களால் இவ்வகுப்புகள் நடத்தப்படுகின்றன.
தில்லை செந்தில் பிரபு நடத்தும் யோக- தியான வகுப்புகள் தொடர்ச்சியாக இரண்டு ஆண்டுகளாக நிகழ்ந்து வருகின்றன. அடுத்த வகுப்பு பிப்ரவரி 28 மார்ச் 1 மற்றும்2 ( வெள்ளி சனி ஞாயிறு) கிழமைகளில் நிகழும். புதியதாகக் கற்கவிரும்புபவர்களும், ஏற்கனவே இவ்வகுப்பில் கலந்துகொண்டு அப்யிற்சியை தொடரவிரும்புபவர்களும் கலந்துகொள்ளலாம். இப்போதே பதிவுசெய்யலாம்.
தொடர்புக்கு
- அகப்பயணம் – தியான முகாம் அனுபவங்கள்
- கவனக்குறைவுகளில் இருந்து விடுபடும் வழி என்ன?
- தியானவகுப்பு- கடிதம்
- கல்வி, கவனம்- கடிதம்
- உளக்குவிப்பின் நாட்கள்
இந்திய தத்துவ இயல், மூன்றாவது நிலை வகுப்பு
இந்திய தத்துவ இயலின் முதல் இரண்டுநிலை வகுப்புகளில் கலந்துகொண்டவர்கள் கலந்துகொள்வதற்கான மூன்றாவது நிலை வகுப்பு மீண்டும் வரும் மார்ச் 7 ,8 மற்றும் 9 ஆம் தேதிகளில் நிகழும். இப்போதே விண்ணப்பிக்கலாம்.
(இதே வகுப்பு பிப்ரவரி 21 முதல் 23 வரை நிகழ்வது அறிவிக்கப்பட்டு இடங்கள் நிறைவடைந்துள்ளன. இது அதே வகுப்பு மீண்டும். இந்த வகுப்பே மூன்றாம்நிலை வகுப்பில இறுதியானது. பிப்ரவரி 7,8,9 ஆம் தேதிகளில் இந்திய தத்துவ இயல் இரண்டாம் நிலை வகுப்பு இரண்டாம் முறையாக நிகழ்கிறது. அது மீண்டும் நிகழ வாய்ப்பிலை)
தொடர்புக்கு
மேலைத்தத்துவ அறிமுகம்
அஜிதன் நடத்திவரும் மேலைத்தத்துவ வகுப்புகள் பங்கேற்பாளர்களிடையே பெரும் வரவேற்பைப் பெற்றவை. இன்றைய நவீனச் சிந்தனைகளைப் புரிந்துகொள்ள, இன்றைய அரசியலையும் திரைப்படம் உட்பட கலைகளையும், இலக்கியத்தையும் உள்வாங்க அவையே அடிப்படையானவை. மேலைச்சிந்தனைப் பயிற்சி அற்ற ஒருவரால் அவற்றை முழுமையாக புரிந்துகொள்ளவோ மதிப்பிடவோ முடியாது. நிர்வாகவியலில்கூட அடிப்படைகள் மேலைச்சிந்தனை சார்ந்தவை. ஆகவே நவீன மனிதனுக்கு தவிர்க்கவேமுடியாதவை.
மேலைச்சிந்தனைகளை நாம் துண்டுதுண்டாக கட்டுரைகள், மேற்கோள்கள் வழியாகவே அறிந்திருக்கிறோம். அவை பலசமயம் நம் கற்பனைகள், அந்தத சூழல்கள் ஆகியவற்றை ஒட்டி பெரும்பாலும் நம்மால் பிழையாகப் புரிந்துகொள்ளப்பட்டிருக்கும். தொடக்கம் முதல் மேலைச்சிந்தனை எப்படி அடிப்படையான வினாக்கள், மற்றும் அவற்றின் மீதான விவாதமாக உருவாகி வந்துள்ளது என்பதை அறிவது மிக அவசியமான ஒன்று.
அத்தகைய அறிமுக வகுப்பு இது. ஒட்டுமொத்தமாக நவீன மேலைச்சிந்தனைகளை அறிமுகம் செய்து, அவற்றை மேற்கொண்டு விரிவாக்கம் செய்வதற்கான அடிப்படைகளையும் அளிக்கிறது.
நாள் 14, 15 மற்றும் 16
தொடர்புக்கு
