அன்புள்ள ஜெயமோகன்,
பறவைபார்த்தல் நிகழ்வு முன்னரே இடங்கள் நிறைவுற்றமையால் என்னால் கலந்துகொள்ள முடியவில்லை. இந்த நிகழ்வை அடிக்கடி நிகழ்த்த முடியுமா? .
கிருஷ்ணகுமார்.
அன்புள்ள கிருஷ்ணகுமார்,
மாணவர்களுக்கான இதுபோன்ற அனைத்து நிகழ்வுகளையும் பெரும்பாலும் விடுமுறை நாட்களில்தான் நடத்த முடிகிறது. அதுவே நிகழ்வுகளை எத்தனை முறை நடத்த முடியும் என்பதற்கும் ஒரு வரம்பை ஏற்படுத்துகிறது.
மேலும், பறவைகளைப் பார்ப்பது என்பது ஒரு அரங்கில் அமர்ந்து நடத்தக்கூடிய நிகழ்வு அல்ல. இயற்கையுடன் இணைந்து வெளியில் உலவியும், பொறுமையாகக் கவனித்தும் பறவைகளைப் பார்க்க வேண்டும். ஆகவே, ஒவ்வொரு நிகழ்விலும் பங்கேற்பாளர்களின் எண்ணிக்கையையும் ஒரு குறிப்பிட்ட அளவுக்குள் வைத்திருக்க வேண்டியுள்ளது.
அடுத்த பறவைப் பார்வை நிகழ்வை டிசம்பரில் நடத்த இயலும் என்று நினைக்கிறேன். அப்போது நீங்கள் கலந்துகொள்ளலாம்.
அன்புடன்,
ஜெயமோகன்
